Dit was 'n onvergeetlike naweek
saam met vriende en belangstellendes. Die
Riversdal
vliegveld was weer gebruik vir die geleentheid. Die vliegveld is
'n SAMAA geregistreerde veld en het 'n volgrootte teerbaan met oorgenoeg
vliegruimte.
Die vliegveld is baie geskik vir die
groter en kragtiger
modelvliegtuie. Die opkoms was ongelooflik. Van groot tot klein
vliegtuie was uigestal en gevlieg.
Klubs sover as Knysna en Kaapstad het hul vernuf kom ten toonstel. Die
vliegtuie was pragtig en die 46% skaalmodelle het vir die meeste attraksie
gesorg.
Verskeie "Hobby Shops" het hul produkte
kom uitstal en verkoop. Baie dankie vir jul teenwoordigheid asook jul
borgskappe.
Vrydagaand was gesellig om die vuur en dit het duidelik toe al gebleik dat
die naweek se byeenkoms 'n groot opkoms gaan lewer. Saterdag het 39 vlieers
ingeskryf met plus minus 120 vliegtuie op skou. Verskeie kompetiesie was
gehou en die Saterdagaand was vele pryse aan deelnemers oorhandig. Ook is
Arthur Price, 'n klublid van die Hessequa Modelvlieërs,
as erelid benoem van die klub en 'n selfpotret is aan hom oorhandig. Die
Saterdagaand is afgesluit met 'n heerlike potjiekosete, net soos dit op
Riversdal gedoen kan word.
Ons wil graag van die geleentheid gebruik maak om aan ons hoofborge van die naweek, Riversdal Superspar
en Hi-Way bande ons dank te betuig.
Ook bedank ons die volgende borge: Hobby Flight Centre
Coke - George
Jirah Boerdery - Piet en Johan Willemse
Kweekkraal Boerdery - Jeffrey en Johannes Joubert
Auto Zone
Medidal Apteek
Snyman Boumateriale
Wembley Drankwinkel
Max Buis Drankwinkel
Te Huis Wallace Anderson
Moto Quip
Reckett & BenKicer
CCC Motorfietse
Riversdal Grasnyers & Tool Hire
OK - Stilbaai
Riversdal Landbougenootskap
Riversdal Tafelronde
Hessequa Munisipaliteit vir die daarstelling van geriewe.
Sonder julle borgskappe sou die naweek nie moontlik gewees het nie.
Baie dankie aan elke vlieër wat die naweek met ons
kom deel het, jul teenwoordigheid beteken vir ons baie. Aan ons klublede
asook hul gades baie dankie vir julle onbaatsugtige hulp. 'n Besondere dank
aan alle vrywilligers wat ons te hulp gestaan het die naweek, wat 'n
onvergeetlike belewenis. Dankie ook aan Hoerskool Langenhoven vir die
verkoop van die kompetiesie kaartjies. Die vliegtuig is gewen deur Gert v.
d. Merwe van Melkhoutkraal, wat baie daarna uitsien om deel te wees van die
Hessequa Model Vlieers.
|
